日前端午节，无线一如往年派队出战龙舟赛事，但今年直播时却火药味十足，在录影厂担任主持之一的安德尊（大王），对今年又是王俊棠（棠哥）带队似乎非常不满，他赛事已表示：「佢一人赢全家，一人累身家，佢累晒人地架，佢叫喊令人好炆，佢又扮大佬㖞，佢今年系鼓手啦。鼓手应该要系畀香港小姐坐喺度，等我哋睇住香港小姐划啊嘛，佢嗱口嗱面咁，咁你点同佢拍住啊。」

结果无线龙舟队最后只能以尾二冲过终点，安德尊继续非常劳气，继续闹：「有乜理由棠哥又黑口黑面，一人累全家啊依家！头先你个女健儿一路吹BB一边打嘛，佢依家就自己喺度打自己喺度打，点有节奏啊。」说到这麦美恩开始不知怎么回答大王，就只能说「系有啲影响嘅」，大王续说：「你棠哥练水又练得少，人哋练11堂，你得3堂。净系挂住四围去揾食，你咁样累咗啲同事，日日去练水。」

而王俊棠在回复《香港01》电话访问时，却非常大方说：「有乜好嬲呀？我成日都系咁畀人『趷』㗎喇，做人嘅嘢唔可以咁小气嘅，人哋点讲咪点讲。」但如此落力去参与都要畀人，会唔会好无辜？棠哥续说：「我又唔觉，把口喺人哋度，钟意讲乜就讲乜，系咪？（下年会否继续扒龙舟？）其实我就好钟意爬龙舟嘅，我喺赤柱学校𠮶阵时已经开始爬龙舟，我71年就已经开始扒，所以都会继续。」

棠哥也道出无线龙舟队成绩未如理想的其中一些原因，他说：「我喺TVB都扒咗20几年，我97年入TVB，98年开始扒，我哋都试过攞到好成绩，我哋都攞过冠军，我记得好似系关咏荷做鼓手𠮶年，我哋试过赢过冠军嘅，第一、第二、第三都试过，我哋仲喺国际龙舟赛嘅明星挑战赛事中攞过冠军，我哋𠮶阵都人强马壮，但系公司嘅人流失系好大，有时以前扒开𠮶啲冇喺公司做，咁就变咗冇得扒啰。」

谈到大王指鼓手应该由香港小姐担任，棠哥透露：「呢个系教练安排嘅。（话你黑口黑面？）晒啫，我晒就会晒到好黑，而唔系黑口黑面，皮肤黑啲啫。」最后问到棠哥有什么说话想回应大王，他风趣地说：「条友口水多过茶，成日吹水唔抹咀，话我累全家，一于家法侍候，桨佢个咀。」原来棠哥当日更是一日双赛，完成沙田赛事后，再入赤柱与会合香港航海学校一班旧同学出战另一赛事，最后还勇夺铜杯冠军，可见棠哥实力毋庸置疑。