【Viu】两位唱得之人Jer柳应廷同MC张天赋将会喺8月底合作开骚，佢两位都系造星出身、入行前经常Busking、懂得玩结他、唱歌音域与曲风类同，当得悉有机会合作，Jer即话好期待，相信实有火花，而MC亦赞Jer系佢最想合作嘅头两位之一，两个互相称赞，咁究竟会有咩火花？Jer幻想：「好似擂台上面较量嘅感觉，好似两个Fighter，锻炼咗一身武功，到时去到擂台会All In攞晒出嚟。」MC就话：「好似音乐会海报咁一黑一白，大家去做一个拉扯或者对抗，甚至喺台上面一齐玩乐器，或者我哋会攞毕生所学嘅嘢出嚟All In，或者攞啲我哋唔识嘅嘢出嚟玩。」
至于歌单，佢两个都话想做个与别不同嘅音乐会，所以可能会唱啲平时未必会喺度上唱嘅歌，亦可能会变成个Rock Rock地嘅Band Show，希望台下观众一切Have Fun，开心到十几年后都回味㖞！
此外，MC日前喺中环酒吧举行新歌《百万大道》神秘派对，以私人Party形式，邀请好友见证新歌诞生，想知现场情况，快啲睇片！