【Viu】Phoebus@P1X3L今日以颁奖嘉宾身份现身婚礼杂志颁奖礼，一身白马王子Look亮相，成个新郎咁款，佢话本身有西装癖，系本色演出！Phoebus自爆练澎湃肌肉中，目标要增20磅，但距离大表波仲有超长时间，所以早排去泰国拍综艺，都唔敢除衫。
米露迪负责着婚纱行Catwalk show，米妈话做嘢着过好多次唔惊嫁唔出，但从来冇人求过婚，又爆日前被叫「阿姐」㖞！米妈又透露希望将来婚礼可着外国流行嘅下身See Through婚纱，但就唔接受鬼佬做另一半。
而BabyJohn都系负责颁奖，佢慨叹2013年结婚时瘦到似只鹤，件礼服系朋友为佢度身订造，今日已经着唔到。又爆《空肚讲宵夜》将会停厂几个月，所以最近应该唔会肥落去咁话！