【viu】ERROR 嘅肥仔、保锜、COLLAR嘅Gao、Candy、芯駖、Winka出席「ViuTV全城奥运 传承狂热」记者会，场面盛大又墟冚！

ERROR、COLLAR嘅代表们异口同声话，最期待嘅item就系今年奥运新增设嘅Breaking霹雳舞，特别对项目嘅计分方式宁舍好奇咁话！唔排除到时齐齐「突袭」直播厂，但就话唔敢做评述㖞！讲起评述员，肥仔、保锜将会主持一个发掘评述员嘅新节目，肥仔话唔够啲参赛者口才好，系咪谦虚先？保锜早前再参加室内10k接力赛夺冠，为上年跑到晕争番一口气，果然系一分耕耘、一分收获！佢仲有咩感受想讲？

芯駖报平安指之前旧患复发已痊愈，前几日仲约咗Candy打羽毛球兼跳Dance Challenge，仲话之后会揾埋其他姊妹挑战！而「Miss Summer」Candy呢几日都有同父母睇自己喺新剧《无人之境》演出，搞笑话一见到自己就好老尴！

对有传Winka被电台DJ YY力追、更指男方就系pre拍拖嘅对象，Winka对此否认，又话feel唔到对方追佢，系大家谂多咗！另外，有指Frankie因是非被cut新剧《麻甩妈咪》戏份，有份演出嘅Gao代澄清冇减戏份，又大赞Frankie演出专业！有足本访问片睇啦！