【viu】第二届《The NextWave 沙滩音乐节》今日Day 1！两队《造星》代表P1X3L、ROVER喺头part出场，同样都系首次参与沙滩骚，心情超high！
P1X3L临出场前突然落倾盆大雨，但三子话无有怕，因为预咗全身湿透，就睇吓系汗水定雨水啫！问到George会唔会趁今日兑现骚肌承诺？佢抵死再推，仲话有拖冇欠，搞到两位兄弟Marco、Phoebus即刻跟队，连骚肌都咁齐心！
三子早前再孖5G拍综艺，呢转飞去泰国「沙华Dee卡」！佢哋笑话最难忘嘅系每日都好攰，日拍4个items，所以呢次冇时间畀Sica饮醉！今次Phoebus玩游戏又有冇好胜心爆发？George好似有透过story出猫？
师弟ROVER连续三日出骚，亨仔笑话日日都好大压力，沙滩骚唔系开心玩㗎咩？典解呀？Kim话佢哋唱唱吓落大雨，气氛方面加晒分，唯一受影响嘅只系视线，另外三位Bro即爆佢兴奋到出去淋雨，Kim反击最锡身嘅系亨仔，第一时间匿埋咁话！
见雨势越落越大，希晋支咪亦坏埋，但佢一啲都冇慌，执生启动「内置大声公」！前日劲威晒震波功嘅佢，今日又着得劲密实，主要原因系怕被亨仔比下去？Jason Loi自认最唔钟意同阳光玩游戏，又揭有「天气之子」封号，唔通啱啱落雨系因为佢？佢仲讲笑指如果ROVER开户外骚，宝姐话要换鼓手？ROVER缺一不可㗎！