【viu】Tyson Yoshi喺《The NextWave 沙滩音乐节》Day 1压轴登场，台下fans见男神即大叫除衫是常识吧！男神唱到中段果断除白背心骚肌，尾声𠮶阵亦收到bra bra添！事后Tyson笑话本身唔谂住脱，因为唔满意依家嘅体脂数，但今日真系热到爆，唔脱唔得！
佢又讲到首次喺香港唱求婚歌《would you be mine？》，估唔到反应咁好，亦开心首歌上咗YouTube热搜No.1成3个星期！咁未婚妻Christy听完首歌有咩feedback？预计2025年先举行婚礼嘅Tyson，理应要开始着手筹备，但佢笑话依家一有时间就揾老友Jeffrey、Kaho整车，沾沾笑话求完婚就可以光明正大使钱玩车，更将呢句说话同全天下嘅男人讲添！唔怕Christy睇访问？
张敬轩曾隔空自荐做大妗姐，「鬼仔」Tyson话都系啱啱先知咩叫大妗姐，伴郎、兄弟名单谂住出份Google form畀老友s报名，够晒chill！有唔少情侣喺筹备婚礼期间都会吵大镬，Tyson脑定绝对唔会，因为佢预咗budget放手畀Christy安排，自己就做yes man，只系要应妈咪要求喺香港安排餐晚饭畀亲戚就ok！另外，Jeffrey因被网民批评拉阔表现而唔开心，Tyson有冇关心吓老友？足本访问片有啦！