【Viu】《The Nextwave 沙滩音乐节》第二场顺利完成，呢日阵容依然强劲，包括乐队KOLOR、TONICK、组合艾粒等，原来JACE陈凯咏系首次演出沙滩骚，难怪未出场先兴奋，「自队」两杯跳唱《练功 》。不过，JACE就唔肯着比坚尼，话要跳舞动作太多，最多都系露背。
Jason陈柏宇伙拍野佬一齐夹Band献唱《中二寄生魂》等多首歌，一上台Fans不断大叫「除衫、除裤」，终于佢都除咗外面件衫露出实的的嘅麒麟臀，「陈伯」谦称年纪大，只因太热先除衫，坚爆肌就留返畀20、30岁嘅歌手去做，但操到咁fit有冇机会骚quali？佢见到现场咁多靓女着比坚尼又有咩反应？就要等陈伯亲自讲解。
「四坚情」赖晏驹、陈零九、邱锋泽同黄伟晋呢晚压轴出场，当四子合体唱《All day》时全场疯狂，邱锋泽话俾观众搞到「晕陀陀」唔记得歌单次序，仲不时向观众「灌酒」玩得超high！佢透露五坚情2025有巡唱，只要香港book到场就一定会开，仲谂住学多啲广东话冧坚果添，so sweet。提到提到早前娄峻硕个唱狂收内衣，小赖话8月开个唱都想收内裤，想知佢收到会点处理？同埋会唔会「脱衣服」？想知更多就要睇足本访问。