【Viu】人气YouTube频道「小薯茄」幕前成员程人富、丽英、阿冰、童童、阿J、朱Mic同肥蚊，为庆祝「小薯茄」六岁生日，喺尖沙咀一个商场set up咗限定打卡位，仲推出埋周年限定精品，同fans齐齐贺寿！埋嚟听吓成员们各推介嘅打卡位啦！佢哋话有份「干涉」设计㗎！
话晒生日咁大件事，梗系唔可以唔提嚟紧喺麦花臣举行嘅3场birthday party啦！为隆重其事，程人富首孖童童合唱主题曲，后者抵死笑话呢次crossover系想突破观众嘅耳膜，又搞笑对住人富话：「你嚟衬托我㗎！」认真笑爆嘴！佢哋透露依家每日都会排练，而女子组就预告开骚会大晒女人味，甚至终极剧透有成员会露肉，佢哋仲话有机会加场，呢舖系真唔系呀？