澳门赌牌竞投㖊日截标，云顶集团突然「参战」，变成7家营运商争6个牌，现有6大牌主之一嘅永利，股价喺入标前后已升咗约14%，但今日就大跌6%，跌幅系赌股中最大，市场系咪担心永利可能被云顶踢走？

椽盛资本投资总监曾永坚指，云顶入标的确令市场感到意外，而永利嘅美资背景增加市场疑虑，喺中美关系较紧张下，会唔会涉及政治背景审查令结果出现变数，导致永利股价今日回调，永利近日喺一众赌股中升得较靓，今日因应消息出现回套系正常，不过，睇返澳门博彩业现时嘅情况，Jaseper认为，现有6大牌主获续牌嘅机会仍然较高，永利今日调整更大可能系之前升咗唔少，今日只系借势调整。