【A&M Diary】「唔准谂，即刻答！鸡、牛、猪、鸡、鸭、鱼、鸡，你最钟意食边只肉呢？」点解你个问题，鸡会重复又重复呢？因为我真系好钟意食鸡呢！如果你同我一样都系钟意食鸡，就唔可以错过位于大角咀嘅柚子茶室。柚子茶室系一间人情味小店，从招牌上面既图案，就知道柚子茶室嘅名物就系又香又滑嘅鸡喇！
椰子鸡汤
餐厅每日都会提供几款唔同嘅炖汤，既然柚子茶室嘅名物系鸡，当然就要拣椰子鸡汤啦！椰子鸡汤嘅汤底闻落带有淡淡嘅椰香，味道方面却非常浓郁，椰子同鸡嘅味道清香，充满层次，重点系一啲都唔油。
秘制无骨海南鸡油饭
嚟到柚子茶室当然要试吓呢度最出名嘅海南鸡！海南鸡一上枱，最吸晴当然系鸡皮下面𠮶层浓浓骨胶原嘅啫喱，虽然邪恶，但绝对系海南鸡嘅精粹。鸡肉非常嫩滑，肉味香浓，当然最正系又香又滑嘅鸡皮啦。加上绝配嘅油饭，绝对系perfect match！
花胶胡椒猪肚鸡汤米线