首頁 | Now 新聞 ( ) • 2023-03-11 17:07

【Viu】近日被疯传同Locker分手嘅Kayan9896,㖊晚hot爆以lace bra外着皮褛出席品牌活动,睇嚟冇受分讯影响,亦首度开腔默认回复单身,希望大家畀啲空间佢,心情慢慢调整中。至于同Locker可唔可以再见亦是朋友?Kayan话迟啲答,睇嚟有啲保留,但就呼吁追求者放马过嚟!

而古天乐就西装骨骨出席,透露啱啱完成饰演魔术师嘅新戏,笑话变魔术真系好难,又自爆拍潜水戏份被扇叶打伤手指要缝9针!主演电影《明日战记》入围角逐金像奖「最佳电影」,古仔表示攞唔攞奖就等上天安排。

啱啱喺巴黎返港嘅阿Sa蔡卓妍,对于好姊妹何超莲被传4月同男友窦骁结婚,佢都话有恭喜对方,而超莲就以「多谢」作回应,睇嚟婚讯都似层层咁!同样被传结婚嘅仲有吴千语,但千语就否认,并澄清只系同周扬青录影节目桥段,如果拉埋天窗会公开好消息。

另外,Tyson Yoshi、Jeffrey呢对好兄弟就以校园look出场,前者爆自荐写歌畀Jeffrey被拒,希望迟啲会有crossover机会。