【Viu】 今年系陈慧敏出道十周年，佢最近推出新歌《十年如一日》，审视返过去𠮶十年，先发现原来冇任何令自己满意嘅成绩。慧敏哥之前一直港澳两边走，面对唔稳定嘅生活，佢都曾经萌生转行嘅念头。不过佢为咗音乐梦，决定放弃一段三年嘅异地恋，仲自组工作团队重新出发，而新歌就特别揾嚟黄金组合林夕同埋泽日生作曲填词，慧敏哥话当收到歌词嘅时候，简直喊到收唔到声啊！慧敏哥曾经参与多个歌唱比赛，2010年因为一个歌唱节目而多咗观众认识，不过往日嘅同伴例如许廷铿、林欣彤、冯允谦等等都各自登上多个舞台，慧敏哥见到佢哋喺乐坛有唔同嘅成就，会唔会有所比较呢？