【Viu】张敬轩趁今日「520」同几百位罗宾约会！数数手指，下月初轩公就会启《Revisit》会展骚，佢自爆争啲开唔成呀！眼见最近疫情有升温迹象，轩公无奈话次次临开骚都系咁好黑仔，为咗大家睇得开心，今次就冇握手、湿吻、收礼物环节啦！除咗会唱新歌、有新环节，轩公兴奋mode话有新衫，又指条「事业线」返咗嚟同操到3嚿半腹肌，睇嚟个骚会有视觉享受！
为宣传新歌《隐形游乐场》，轩公制作一辑游乐场片，仲要一嚟就玩水又任睇湿身水着look，轩公甚至大胆话似冇着！同场啲女嘉宾个个都超sexy，大玩经典游戏兼打交，大尺度到轩公都戴番个头盔笑话怕条片出街会被「黄标」！另外，轩公指父母已经嚟咗香港，下星期就会搬入新屋，亦会现身支持会展骚！