【Viu】小明方皓玟一连两场亚博骚《KATCH OUR LIFE》今晚尾场，佢一嚟就战斗格，吊带加晒绝对领域，拧转后面𠮶阵仲晒背肌同pat pat「微笑线」，火辣到爆！
如头场一样有JNYBeatz做嘉宾同小明jam《Freedom》，JNYBeatz更为全场带嚟惊喜，唱紧《你是我的Bae》𠮶阵，突然大叫193@ERROR个名，点知一身西装look嘅33真系跑咗出嚟，全场劲尖叫！
去到个骚中后段，小明唱《All We Have Is Now》嘅时候，介绍是晚嘉宾「宇宙天团」ERROR！又一轮尖叫喇！四子仲轮流flirt小明添！小明自爆因为睇到四子嘅普通话访问而入坑，ERROR即脑筋急转弯抵死改用普通话唱《All》，二度令小明爆笑！适逢今日系「520」，四子应节唱《爱情值日生》之余又玩情侣kiss cam，即刻去片感受现场粉红泡泡！