【Viu】刘伟强导演、林家栋、张继聪、白只、Fish廖子妤、陈家乐、钱嘉乐、许恩怡同「老板仔」黄梓乐今日出席《萤幕后的魔法》展览，「聪白」合体当然笑料百出，讲到阿聪带囡囡Kakaball睇COLLAR演唱会，佢踢爆囡囡有女团梦，又笑言目睹Kakaball拧转身同洪嘉豪冧爆挥手时，好惊自己嘅眼神太凶狠，好彩冇事啫！阿聪又「撇清」自己得个睇字，反而喺「自由巿场」嘅白只就可以同女团成员「深入交流」，又赞白只似5、60年代嘅巨星，超有神秘感，事关白只连ig都冇，搞到白只劲尴尬话：「够喇！」笑Cry！
至于分别入围金像奖「最佳男、女配角」嘅Fish同老板仔，大谈战衣同得奖信心，当Fish忆述10年前首次以「最佳新演员」候选人出席金像奖时，笑问老板仔当年几多岁？人仔细细嘅老板仔竟然口甜舌滑回应……想知就睇足本访问啦！