【Viu】「准影后」Jennifer余香凝、温碧霞、陈浩民夫妇、沈震轩、翁嘉穗、简淑儿同男友麦大力等，今晚现身电讯品牌活动。其中久未露面嘅陈浩民同麦大力都系负脚伤撑拐杖上阵，认真畀面！
啱啱同成班姊妹去上海旅行嘅Jennifer，话虽然只得短短两日，但全程丧食、丧买劲relax！自Jennifer入围金像奖影后后，啲job接到唔停手，佢指好感恩有咁多机会，个库房可以储备多啲，至于身价方面都仍然系开心价！另外，主演电影《白日之下》嘅原型，康桥之家前院长张健华涉性侵女院友遭索偿，败方张健华须赔约83.5万，Jennifer指有留意报导，尊重法庭嘅裁决，加倍感电影的确可以令大家更关注社区上问题。
陈浩民指早两个星期着拖鞋落楼梯差错脚，谂住小问题就不了了之，最后照X光发现骨裂，要着boot 5个星期！不幸中之大幸嘅系5月先入剧组，所以都有时间休息，自爆有被仔女笑论尽，又幽默笑指依家更加追唔到长腿老婆Lisa蒋丽莎！而Lisa亦有脚伤在身，早前旅行玩浮潜撞落珊瑚，脚上嘅「瘀痕」其实系疤痕，但佢睇得劲开话系特色！