【Viu】一连两日春浪音乐节今晚开始喺西九开唱，台湾组合五坚情喺尾段出场带嚟《立刻要爆炸》，全场坚果秒速企起身大合唱！五子大赞香港坚果好犀利、劲热情，搞到佢哋都好感动！
五坚情话㖊日走咗去食酸菜鱼，仲玩咗「抽卡买单」游戏！睇嚟呢个game已变咗「传统」，次次嚟香港都会玩，而呢次嘅金主就系邱锋泽，话听到4位数字嘅金额肉都赤，拒绝今晚食宵夜再玩，超爆笑！
九泽CP月尾会喺九展开骚，锋泽同陈零九预告会劲歌热舞，最紧要系会脱！到底会点脱法？有冇嘉宾？佢哋大卖关子叫坚果入场睇骚！讲到五坚情入面净返「小赖」赖晏驹仲未喺香港开过个人骚，佢话希望今年有机会开到，依家筹备当中，咁就真系要期待吓！
「准人夫」娄峻硕指结婚有太多嘢要处理，加上仲要系海外婚礼，又再三讲到明因为只限最亲，所以冇预4位兄弟份！隔离四子听到呷晒醋，特别系锋泽！提起凡凡早前喺Threads留言「怀孕了」，难道双囍临门？娄峻硕又点回应？另外，台湾日前发生大地震，黄伟晋坦言系有记忆以嚟最恐怖，希望大家平安！去片睇足本访问啦！