【A&M Diary】近年新蒲岗转型，旧式工厦转变成共享办公室，吸引唔少年青新创业家。但无论系新兴行业，老板定员工，工作上需要一部电脑之余，可能更需要一杯咖啡，为自己注入打气能量。位于新蒲岗嘅Neon，除咗一杯香浓幼滑嘅咖啡，食物出品亦不马虎。
黑松露忌廉野菌意粉配大啡菇
虽然Neon系一人打理，但出品一啲都唔马虎。每一条意大利粉都挂满香浓嘅忌廉酱汁，而黑松露嘅香气更令人食欲大增。最精彩嘅莫过于最顶层嘅厚身大啡菇，非常Juicy，加上微煎过嘅烟肉片，添加油香滋味！
龙虾忌廉汁意大利粉配香煎鸡柳
龙虾忌廉汁非常creamy，意粉都充斥住啖啖嘅龙虾香味，非常细腻，香滑浓郁！至于煎得脆香嘅鸡胸肉，肉质唔嚡，十分满足！
