【Now.com】首阶段管制即弃塑胶产品星期一开始实施，商户喺实践过程中，应法例要求用各种方法落实「走塑」，转用纸制替代品系主流办法之一。不过，化学博士K Kwong (邝士山) 就指出，纸张做嘅餐具有好多有害化学物，声言唔会用。
呢几日，不时听到关于纸餐具够唔够硬净嘅讨论，K Kwong嘅著眼点就唔系纸刀叉系咪湿咗就变软，而系担心纸嘅安全性，纸餐具接触食落肚嘅食物系咪OK？
K Kwong喺社交平台帖文话，「做过造纸厂嘅人都知纸用过好多酸 (H2SO4)、碱 (NaOH)、漂白剂 (Cl2，Cl2O，SO2)、萤光剂、防腐剂、fillers 先造到出嚟」，佢斩钉截铁话，「一张纸有过百只有害 chemicals」，佢唔会「食纸」，亦唔会用纸巾抹筷子、匙羹同碗。
K Kwong又指出，纸张本身会吸水，所以如果要防水就要加 coating，纸包饮品嘅 coating 有胶、铝，「你用嘅纸餐具要防埋油同唔黐食物，亦有可能有 Teflon (有PFAS）。由于纸吸咗水就唔够硬，所以又要加D filler，呢D filler 先冇皇管，因为常见嘅 fillers 如 CaCO3、TiO2、胶粒都唔系食用级。」至于木餐具，K Kwong话「木筷子、竹筷子有臭味，果D (𠮶啲) 系二氧化硫，我都系被迫先用，臭㗎！」
相关新闻：