【Viu】MIRROR顺利完成新加坡站巡回演唱会昨晚（2日）返港，但只见其中11子，Jer就stay behind同屋企人去玩！每位镜仔步出VIP通道都变「开笼雀」开心share新加坡站趣事，气氛超好！
率先登场嘅系Ian，笑谈福建话之外，又讲到孖Frankie喺新加坡觅食，但唔系食著名嘅胡椒蟹，竟然系食⋯，见陈仔讲完都心虚笑咗吓！Jer喺新加坡站首唱新歌，Ian都心郁郁想跟队，究竟会唔会早过solo concert有新歌听？
巡唱净番澳门站，队长Lokman同Alton感触话好唔舍得，希望喺尾站畀到surprise镜粉！紧接出场嘅系AK同Tiger，AK私心之后想去日本巡唱，嚟紧都要开始同Ian准备solo concert！而「志浩」AK、「戴凯天」Tiger最后亦不忘宣传《打天下2》！
「落机E」Edan、「大表波」Stanley搞笑挥手出场，提到Edan post姜涛扯鼻鼾片做生日礼物，佢抵死还原拍片过程，但重申系有得到寿星仔嘅批准先post嘅！见大表波出post话唔多满意自己表演，点解呢？Edan澳门站又会唔会唱新歌？
接住欢迎大一岁、25岁嘅姜涛！佢笑话喺当地做访问收到好多个生日蛋糕，为咗keep fit都唔敢放肆食，又指虽然正日生日唔喺香港，但有睇到姜家人为佢庆生！讲到被Edan post瞓觉片，姜涛大笑话证明走tour系好攰！
最后一批现身嘅系「教主」Anson Lo、Jeremy同Frankie，佢哋不约而同话喺新加坡呢个咁热嘅地方开骚，系挑战体能嘅新高峰，个个都要出动背心！事前一心想睇「会喷水𠮶个口（鱼尾狮）」嘅Jeremy，惨猪话因为要做嘢就冇去睇到！教主话教母佢哋去咗旅行，所以返到屋企要自己煮宵夜，what？但教主翌日要去电台宣传⋯希望教主一切顺利！即去足本访问片听11子仲讲咗啲咩！