【Viu】430系姜涛25岁生日嘅大日子，由于撞正MIRROR 要准备巡唱新加坡站，正日唔喺香港过，姜涛香港后援会特意趁姜Admin农历三月十五正日生日嘅大日子，喺主题乐园举行《海洋王国．生日庆典》，同「姜家人」齐齐庆祝！虽然今日挂起黄色暴雨兼雷暴警告，但都无损「姜家人」热情应援，高呼要为姜涛「遮风挡雨」，好Touching呀！
现场布置充满童话色彩，除咗有美人鱼Look嘅小姜姜同小涛涛外，仲有大量户外打卡位，包括「姜记冰室」、姜式甜品、怀旧霓虹灯牌、姜叮、姜姜缆车、摊位游戏等，目不暇给呀！至于室内都展出3套演唱会服装，仲有限量精品「美人鱼小涛涛」出售，大排长龙呀！