【Viu】 MIRROR虽然身在美国巡唱，但都不忘顾住香港镜粉㗎！12子第二首英文团歌《Day 0》MV，今晚新鲜出炉，仲惊喜揾嚟NBA超级球星Dame D.O.L.L.A合作，参与Rap部份。而MV都唔讲得笑，重金请到曾执导Bruno Mars《Just The Way You Are》MV嘅荷里活著名导演Ethan Lader，孖住Kevin Boston执导，大癫呀！
出名钟意篮球嘅姜涛劲兴奋，拍MV当日仲同工作人员争嘢做添！「Dame有个咪嘴位，要拍传波嘅shot，我抢住要传波，机会千载难逢！」Fans之一嘅Edan都开心到瞓唔着：「Dame系而家NBA嘅Super Star，今次可以同佢合作系好Crazy同梦幻，但其实我哋都觉得，如果我系佢，都未必肯过嚟拍MV，仲要特登录呢首歌，所以今次好开心。而Dame好Friendly冇架子，又肯同我哋倾偈影相签名，系一个好友善、好Nice嘅超级巨星。」
Dame对MIRROR亦有赞冇弹：「第一次见到MIRROR，最深印象系竟然会有咁多人去组成一个Group，大家仲要拥有同一理念去达至成功。其实愈多人喺埋一齐，就愈难去做得到做得好，所以我都好奇佢哋点样做，然后发现佢哋都好专注去做好件事，系一队好特别嘅组合。」
今次嘅Crossover大家都话好新鲜，AK：「我哋体验到外国拍摄Crew做嘢嘅方法，佢哋都好有条理去解释俾我哋听，慢慢去做。」想睇更多MV制作嘅分享，快啲click入睇片嘞！