【Viu】话咁快又到4月，即系代表「姜涛生日庆典」又嚟啦！官方后援会精心设计多个生日应援站，畀姜糖打住卡咁同姜Admin庆祝25岁生日！今日率先带大家去到尖沙咀、铜锣湾呢两站兜个靓圈，扫吓啲打卡位先啦！
尖沙咀以蓝色做主调，展现姜man沉稳魅力一面！一共有6个打卡位，最最最特别系正中间嘅《黑月》姜涛，个size系一比一㗎！呢个真心要集邮！而姜涛身后嘅灯柱仲隐藏咗个小秘密添，就系「Happy Birthday」嘅音频，好似围住姜涛唱生日歌咁，超有心思！一如以往都有DIY区，今年就系整卡片套、小袋，可以畀姜家人发挥创意！仲有纪念品区，小心买到破产！
跟手直落铜锣湾站，成个setting明显由型格路线转cute cute路线！派出小姜姜、小涛涛带大家under the sea，展开浪「涛」之旅！呢站最正嘅系有甜品站，打卡打到饿就可以即场医肚，劲贴心！姜家人仲可以报名参加针织工作坊添！值得一提嘅系，每站都会派发专属闪卡，记得去齐咁多站啦！
现场见有姜糖带埋小朋友嚟朝圣，分别有母子档Anna x Antonio同母女档Mandy x Everly！两位妈妈都笑话自己钟意姜涛先，然后再带小朋友入坑，并指爸爸都系姜糖之一，一齐听歌、帮手排队攞应援物，系爱呀！佢哋不约而同大赞姜涛颜值爆灯、有才华、为人真诚、孝顺、系好榜样等，啲优点简直数都数唔晒！即刻去片睇吓姜涛生日庆典有几咁盛大啦！