【Viu】Tyson Yoshi今日以一身牛仔look出席品牌event，讲到有关穿衣配搭，Tyson必定系白背心嘅最佳代言人，佢笑话保守估计屋企有2打白背心，啱晒低调装扮！
相反「老婆」车身设计就极高调，日前吸引咗班小学生围观成佳话，最后被学校校长邀请出席活动，仲搞咗个车身设计比赛！Tyson抵死笑话去道咗歉，指校长、家长方面都好通情达理，自己亦多咗班小fans，唔知Tyson系咪会借出「老婆」畀胜出嘅同学将作品画上去呢？
Tyson指最近多咗同Jeffrey车聚，问到对方手车掂唔掂？Tyson阴嘴笑嘅表情代表一切，更扬言一定唔会坐Jeffrey车添！好似有啲内情咁㖞！
而台湾好友娄峻硕喺IG post咗条片，就系同Tyson输赌100下push up，最后Tyson惨败，佢笑话迟啲出新歌就再同娄峻硕battle！而日前小S拉大队快闪香港拍节目，有邀请Tyson做嘉宾，佢搞笑话𠮶日嘅尴尬指数被小S拉到极致，究竟发生了甚么事？Tyson亦以三字回应被网民发现unfollow kayan9896，快啲去睇足本访问片啦！