【Viu】《ANSON KONG ‘’THE GAME OF LIFE’‘ IN MY SIGHT SOLO CONCERT 2024》详情今日记招揭盅，生粉一早standby企满商场4层楼！Anson Kong将喺7月29日假亚博Arena开骚，演唱会poster更喺呢日首度曝光，上面有超多个型爆AK分身之余，另一亮点就落喺右下角，系爱犬猜柴呀！
AK话公布咗solo concert日期就开始有啲紧张，之前个感觉都系唔系咁真实！又指完埋MIRROR尾站澳门巡唱后，就会开行turbo筹备个人骚，首要做嘅就系操体能，预告个唱将会系佢入行以嚟跳得最多嘅一次，依家就瘦得滞，希望同差10吋胸肌嘅大表波睇齐，更承诺做得到嘅话就会脱，等你呀！
呢日老板仲透露接住落嚟会出多两首有份参与创作嘅新歌，会喺solo concert先首唱？嘉宾方面，AK喺台上宣布3个可能性，莫非等于有3个嘉宾？猜柴有冇机会上台？AK笑话如果猜柴做嘉宾，会唔会成首个喺台上执屎嘅歌手？另外，solo concert暂定一场，有冇机会加场？九展将拆卸感受？由AK哥哥主理嘅拉面店宣布结业回应？即刻去足本访问片！