【Viu】刘青云同吴镇宇日前率领韦罗莎 、袁富华 、黄又南 、栢天男 、颜卓灵等一班演员为新片《谈判专家》谢票，主持人问拍呢部电影最大挑战系乜？袁富华爆料表示拍摄现场，导演畀佢简单几句对白就要上场演出，佢叫镇宇哥哥「射住」，镇宇话：「啱啦，唔知做乜就啱，唔知头唔知路得嘞，做啦！」
镇宇喺另一场谢票有解释：「其实我唔系唔想帮你，但系我都唔知个剧本点搞，同你一样去到现场再算。你应该问刘青云嘛，佢成个剧本背晒！」青云笑笑口话：「系呀，拍呢部戏最大嘅挑战就系吴镇宇，因为导演同我讲万一吴镇宇唔得就靠你嘞，青云！」而饰演青云老婆嘅韦罗莎，作为后辈压力当然唔少，但原来青云唔系表面咁严肃，私下好钟意讲废话氹人开心，人品真系好到无得顶，想睇更多两位影帝你一言我一语舌剑唇枪，唔好等，即刻去片！