【viu】「谈判专家」吴镇宇、「疯妇」彭秀慧今晚合体为电影《谈判专家》谢票，席间宣布票房突破1600万！讲到上次首映囝囝Feynman激罕现身，镇宇爆即晚被囝囝诈型，话好叫佢出去同刘青云合照，搞到个个都知佢系嚟净撑青云！镇宇又笑话唔敢问Feynman comment，因为怕俾佢hurt亲，呢两父子会唔会太搞笑？

自称带起谢票风嘅镇宇，竟话谢票辛苦过拍戏！电影有咁好成绩，会唔会叫导演邱礼涛、监制刘德华请食饭先？镇宇被指戏中一句话刘青云似南亚裔人系爆肚演出，当事人承认系寸爆好友，仲专登拣一个magic moment先嚟爆，令青云冇力还口，真高招！

彭秀慧指收到电话邀演𠮶刻，一听到做刘华老婆就即刻应承，原因系无论角色大定细，黐住刘华嘅都唔会被剪走，识咁谂好醒呀！佢又笑话都系去到试造型先知系个疯妇角色，自爆某方面系好似私下嘅自己添！互动期间佢哋仲愈爆愈多，原来彭秀慧挟持人质𠮶把刀系真刀，唔怪之得班人质个样惊得嚟咁逼真，想知更多就要睇足本访问啦！