【viu】电影《谈判专家》今晚举行群星首映礼，刘青云、吴镇宇、苗侨伟、郑则仕、韦罗莎、周文健、卢惠光、洪天明、袁富华、颜卓灵等齐齐现身，场面热闹！吴镇宇嘅16岁仔Feynman激罕现身撑场，大个仔同爸爸一样咁高大呀！
两大影帝青云、镇宇事隔19年再拍住上主演电影，佢哋话感觉似以前一齐开工咁，会唔会系因为知道对方接拍先应承演出？呢个moment佢哋大晒默契，爆笑话唔系，一个话：「要开饭㗎！」，另一个就话：「你估我出面好多嘢捞？」真系笑死人！而镇宇就期待电影有续集，咁佢就可以饰演人质啦！
讲到近年香港电影票房屡创佳绩，呢两位影帝都幽默话：「希望唔好畀我哋拉低番！」咁谢票𠮶阵会使出咩法宝先？青云即刻推举老友镇宇唱歌，吴生又制唔制？佢仲讲笑话某啲item要收钱先做，又系啲咩？
而镇宇日前接受Do姐访问，爆Feynman大个想做导演，呢日佢笑囝囝系乱噏，仲话唔鼓励读导演，点解呢？之前Feynman又成日喺社交平台出post整蛊爸爸，青云就抵死笑嘲：「虎父无犬子！」镇宇都有认衰呀！