【A&M Diary】以为喺屋苑嘅餐厅就唔会有惊喜，点知位于九龙湾淘大商场嘅SuperNormal，佢嘅脆皮猪手真系一啲都唔Normal，食到我哋舔舔脷！而除咗猪手，餐厅亦有串烧、烧鸡，叫埋杯啤酒就够晒chill啦！
厚切牛舌芯
牛舌虽然厚切，但一d都唔韧，爽口嘅口感加上肉汁，绝对系除猪手以外嘅必点选择。
柚子脆皮猪手
哗！超大只呀！柚子脆皮猪手个外皮炸得劲脆，而肉质非常嫩滑，生熟程度啱啱好，一啲都唔干。重点系充满胶质嘅骨胶原，非常滋味。味道方面，唔会太咸，仲带有微微嘅柚子香味，一啲都唔腻。
黑松露野菌扁意粉
黑松露野菌向来系creamy界嘅代表，意粉索晒黑松露香味之外，仲有淡淡嘅蒜香味，充满层次。
白桃四季春茶、菠萝荔枝四季春茶
饮品方面就点咗两杯水果特饮，咁啱两杯都系用咗四季春茶做base，让水果嘅果香渗入青茶嘅优雅味道。
