【A&M Diary】热辣辣嘅天气真系令人无晒胃口，不如食啲酸辣嘢刺激一吓味蕾啦！位于热带嘅泰国，菜式口味就系因应当地炎热嘅天气调味，酸酸辣辣，非常惹味。而喺观塘嘅泰国菜选择就拣咗精致嘅打卡餐厅：Thai Fire。
青木瓜沙律
讲消暑又点少得青木瓜沙律呢款常见嘅泰式开胃菜，刨丝嘅青木瓜爽脆而鲜甜配上开胃酱汁，加上新鲜嘅生菜同蕃茄仔令口感变得相当丰富。
冬阴鲜菌烤鱼
食泰国菜梗系会叫冬荫功汤同烤鱼，但叫晒两个又惊食唔晒，所以呢个冬阴鲜菌烤鱼就满足晒两个愿望喇。冬荫功汤嘅酸甜同辣味令到胃口大增，烤鱼嘅外皮稍稍炸过，皮脆肉嫩，吸收咗冬荫功汤汁嘅酸甜之后，令鲜甜嫩滑嘅鱼肉更添风味。
虾油海鲜炒饭
要炒饭炒到粒粒分明，又唔太干，都系技巧之一。用虾壳炸出嚟嘅虾油，令呢个常见嘅海鲜炒饭变得不平凡。海鲜配菜包含蚬、青口、鱿鱼，虾所组成嘅，配合炒蛋底嘅虾油炒饭，香味充满层次呀。
泰绿鲜奶
绿色嘅班兰虽然味道唔系好突出，但佢伴随住清幽嘅花香味同淡淡嘅甜味，除左冇影响鲜奶嘅味道，仲啱晒大家消暑。
