【A&M Diary】公屋生活系唔少港人嘅集体回忆，留恋在于昔日嘅人情味。以前喺屋邨成长，屋邨嘅商场更成为儿时嘅蒲点。今日嘅屋邨商场虽然大变身，但价钱尚算亲民！嚟到位于沙田禾𪨶嘅蓝鸟葡国餐厅，店内嘅瓷砖布置极具葡式风情，出品大大份，加上热情的店员，屋邨嘅人情味再现。
葡式炸鸡翼
鸡翼即叫即炸，鸡皮炸到脆卜卜，肉质keep到juicy！食之前可以点埋佢哋酸酸甜甜嘅秘制酱汁，极具层次。
金牌焗葡国鸡饭
讲到葡国菜又点少得葡国鸡呢？其实葡国鸡系带点港式调较嘅葡国菜，葡国鸡即叫即焗，比咖啡多了椰香和甜味嘅葡国鸡啱晒送饭！鸡件份量多，索晒酱汁，入味又嫩滑。
纽西兰西冷牛扒
蓝鸟葡国餐厅除咗葡式选择之外，都有茶餐厅嘅口味。牛扒惊喜有2大块，真系食晒饭都仲有𩠌净呢！酱汁有多款选择，但同牛扒最夹当然就系黑椒汁啦！
柠檬蜂蜜百香果
餐厅除咗茶餐厅常见嘅柠茶、咖啡，都有唔少自家特调饮品。呢杯酸酸甜甜又滋润嘅柠檬蜂蜜百香果，就够晒醒胃！
