【A&M Diary】留港消费，当然要揾啲性价比高嘅餐厅啦！香港人钟意食日本菜，特别系刺身、寿司，但如果想追求创意新鲜感，卷物应该满足到你。位于尖沙咀嘅古今二，以日式居酒屋作定位，除咗串烧等和式料理，多款创意潮流卷物亦系餐厅嘅代表作，今晚一于邂逅创意卷物。
龙卷风沙律
沙律菜、海草、蟹柳、脆片等，形成呢股龙卷风沙律。爽脆嘅蔬菜同脆片，搭配软滑嘅海草同蟹柳，够晒fresh之余，形成强烈推比。
鹿儿岛黑豚荔枝卷串烧
鹿儿岛嘅黑豚肉脂肪比例均匀，肉味香浓，加上配搭清新香甜嘅荔枝，完美地中和咗黑豚肉嘅油份。
金龙卷、超级龙卷风
金龙卷入边有三文鱼、炸虾同芝士，以反卷形式登场，上面铺咗三文鱼，size刚好一啖一旧，所以特别有满足感 ；至于超级龙卷风材料有鳗鱼、海老、芝士、青瓜、脆片，单睇以上食材就知细心配搭咗香脆同软滑嘅材料，令口感充满层次。
