【A&M Diary】唔知有几多人宁愿瞓晏啲而放弃早餐呢？包括我在内，相信大家都习惯夜蒲，晨早起身真系一件唔简单嘅事。不过，近日天气唔错，决定喺黄大仙嘅尝馆叹份早餐，再出发行山，由喜爱日蒲开始今日嘅小旅程。
浓香黑椒汁美国安格斯牛扒拼出前一丁
黄大仙尝馆嘅出前一丁唔需要另外加钱，所以识食就梗系拣出前一丁啦！当然你都可以转配通粉、米粉。至于汤底就系出前一丁嘅麻油味汤底，真系啱晒我口味。至于早餐嘅薄牛扒都唔会求求其其，用上美国嘅安格斯，配上浓香嘅黑椒汁，令早餐已充满食神。值得一赞嘅系，牛扒系会另上，咁就唔会浸住喺个汤面入边啦。
香煎美国鸡扒出前一丁
另一款早餐，就选择咗香煎美国鸡扒。鸡扒够厚身，唔会煎得太干，而鸡皮香口仍有油香。配搭嘅炒蛋非常香滑，夹住牛油多士一齐食，就更加好味！
