【A&M Diary】曾经何时，香港盛行集团连锁式西餐厅，当时中学生嘅我哋，去呢啲餐厅食午餐，绝对系当时嘅一个高质指标。但经过时代洗礼，市场口味改变，当年嘅连锁式西餐厅所剩无几。而今日嚟到红磡嘅红葱头，重拾当年回忆之余，估唔到味道都有惊喜。
法式香草牛油焗田螺
小食首推法式香草牛油焗田螺！田螺口感弹牙，但重点当然落在薯蓉之上，薯蓉够香滑又creamy，仲吸晒田螺焗嘅精华添！
唐扬脆脆鸡翼
鸡翼即叫即炸，炸到金黄色，卖相一流！至于鸡皮香脆而鸡肉嫩滑，味道咸香，够晒惹味。
芝士焗肉酱千层面
千层面上面铺上烘焗后嘅厚芝士，香浓之余仲非常邪恶，正呀！而每层嘅千层面都夹上一层肉，令口感非常丰富，加上芝士嘅点缀，教我如何不爱它？
铁板薄西冷及鸡扒
份量十足，两块扒经已占据晒成个铁板！配菜有薯条同杂菜，可以中和返肉嘅油腻感。牛扒同鸡扒嘅熟成程度啱啱好，加上将薯条放底，令两块扒都唔会因为铁板太热而overcooked。
