【A&M Diary】由店名嘅Ohayo，就知道系一间走日系风格嘅餐厅。Ohayo位于海港城，店内以木为主调，加上海景，绝对系走和风小清新文青风格。餐厅以日式洋食作主打，真系relax又够chill！
特浓猪骨汤豚肉乌冬配手作厚切腩片
午餐有多款咸食嘅选择，配上餐汤或沙律作前菜。至于主菜我就拣咗特浓猪骨汤豚肉乌冬配手作厚切腩片，特别一赞个手作厚切腩片，肉质厚实但一啲都唔韧，肉味浓郁，加上半肥瘦，口感同味道都充满层次。
镬仔焦糖金宝雪山热香饼
讲到日式甜品，当然离不开热香饼同窝夫。Ohaya有多款创意选择，部份更加系限量供应。我哋就拣咗镬仔焦糖金宝雪山热香饼，镬仔热辣辣，令焦糖喺半熔状态下加多点焦香味！至于热香饼属于厚身嘅空气质感，非常软绵，充满幸福感。
